University of Burao

(sl.org) Cabdimajid Sh Bashir — Cardiff, UK — 18 April, 2005
-------------------------------------------------------------------------

Sida la wada ogsoon yahay beryahanba waxa socdey hawl gal ballaadhan oo deeq lacageed loogu ururinaayey jaamacadda cusub ee laga hirgeliyey magaalada Burco ee gobolka Togdheer, sidaas awgeed haddaanu nahay guddiga qaban-qaabada jaamadda ee magaaladan Cardiff oo ka mid ah dalka ingiriiska waxaanu ku guuleeysanney inaanu uruurino deeq lacageed oo gaadheysa
$15,284us doolar(shan iyo toban kun laba boqol iyo afar iyo sideetan oodoolar) halka magaalo ahaan lacagta nala saaray ay ahayd $10,000us doolar (toban kun oo doolar). Hadaba taasi waxay ku tusaysaa dadaalka ay muujiyeen jaaliyadda soomaaliyeed ee degan magaaladani annaguna waxaanu u soo jeedineynaa mahadnaq aad iyo aad u balaadhan.

Waxaa xusid mudan sidii dhakhsaha lahayd ee lacagtaasi u soo uruurtay muddo sadex todobaad gudohood ah iyo sidii loogu farxay markii wararka dhismaha jaamacaddu na soo gaadhey taasoo caddaynaysa xilkasnimada iyo deeqsinimada jaaliyadda reer Cardiff.

Si gaar ah waxaanu ugu mahad naqaynaa ururka (Support Somaliland) ee sida hagar la’aanta ah noogala qayb qaatay hawshan balaadhan,sidoo kale waxaanu mahadnaq taa la mid ah u celineynaa qaybta haweenka oo iyana qayb libaax ka qaatay taasoo ah mid aan marnaba la ilaawi Karin kaalinta weyn ee ay kaga jiraan jaaliyadda iyo sida ay ugu heellan yihiin inay marwalba ka qayb qaataan arrimaha danta guud iyadoo la ogaa sidii ay horeba ugu gurmadeen Cusbitaalka magaalada Hargeysa markii lagu hawlanaa dayactirkiisa iyo arrimo badan oo ka horeeyey oo aan halkan lagu soo koobi Karin. Dhamaan dadkii wax ku darsaday hawshaa qaaliga ah waxaanu ilaahay uga baryaynaa inuu wanaag kaga abaal marsho.

Waxaa iyaguna mahadnaq gaara naga mudan Masaajidka qadiimka ah ee Noor-el-islaam Mosque iyo dhammaanba meheradaha magaalada oo ah meelaha lagu kulmo wararkana lagu kala qaato sida:

Xawaaladda Dahabshiil, Dayib food-store,Shakuur food-store,xawaaladda Dalsan, Red Sea House, Makhaayadda xuseen togeeye , Makhaayada Cumar Ciise(Paddel steamer), Xaraf Hotel,Somali Advice Cenrte, iyo dhamaanba qaybaha kale ee magaalada sida Culimada magaalada oo nagu dhiiriyey sadaqada
inaanu la baxno waayeelka,dhalinyarada ,shaqaalaha iyo dhamaanba qaybaha kalagedisan ee bulshada. Ugu dambayntii waxaanu ku dhiiri gelineynaa gobolada kale ee dalkan inay si dhakhso ah isu abaabulaan oo naga-ga daydaan habkaa wanaagsan ee aanu u hirgelinney qaadhaanka qaybtii nagaga soo aadey.

MAGACYADA GUDDIDA OO TAFO-TIRAN:

1. Ismaaciil mire suldaan
2. C/laahi yuusuf dhimbiil
3. C/majiid C/risaaq Sh.bashiir
4. C/qaadir aadan dheere
5. C/raxmaan Maxamed Axmed (DOODI)
6. C/kariin CAbdi Aadan
7. Saleebaan Maxamed x.xasan
8. Siciid cabdi aadan
9. Siciid aadan x.nuur

source: somaliland.org